قَلبي اتبهدل
                                           مزاجي اتعكنن
                                           ودمعي سَحّ مطر
                                           زي مية نهر !
                                           
                                           دول إخواتي 
                                           وهم حبايبي 
                                           ومجمّعناش في الدنيا دهر 

                                           جمعنا إنّا بشر ببعض
                                           متففين بعروبة ودين
                                           وحبي أم الدنيا مصر 

                                           بس ليه كان ماتوا
                                           بلعبة كورة !
                                           وليه طب راحوا 
                                           وبئالنا صورة 
                                           وليه الأمن 
                                           كان واقف ساكن
                                           كإنو صفر !

                                           طب أنده مين 
                                           وأنادي ع مين
                                           إزا كنت أنا بجد في حيرة
                                           المصري دفع دمه غالي
                                           عشان تبئاله بياض السيرة
                                           وانو نضيف وانو عالي
                                           وإن حريته حق بياخده
                                           عشانها يدفع كل العُمْر !

                                           مصر يا مصر 
                                           أنا ببكيكِ وببكي ولادك 
                                           ودمعي مش عارفة ماله مُصرّ
                                           انو يلوم ولادك دول
                                           إنهم قتلوا 
                                           قتلوا في استادك 
                                           حبايبي وولادك قدامك!
                                           وأبكي وأتمرمر وأنده 
                                           يا مصر ، يا مصر 
                                           جاييلك فجر 
                                           بكرة جاييك النصر
                                           بس بئا فاضل 
                                           شوية صّبر
                                           
فاضل يا أمي شوية صّبر
                          
             
                                                                        نور عليان | 3/2/2012

Shaymaa يقول...

لكِ الله يا مصر ..

مَوعدنا بُكرا يقول...

بحبك يا بلدى اصبرى